मुंबई : राष्ट्रवादी काँग्रेस पक्षाच्या भाषिक अल्पसंख्याक विभागाचा पहिला मेळावा येथील प्रदेश कार्यालयात उत्साहात पार पडला. भाषिक अल्पसंख्यांक विभागाचे अध्यक्ष मुकेश गांधी यांच्या नेतृत्वाखाली हा मेळावा घेण्यात आला. यामध्ये गुजराथी, सिंधी, साऊथ इंडियन हे सेल सहभागी झाले होते. अल्पसंख्यांक विभागाने भाषिक अल्पसंख्यांकांचा जनाधार राष्ट्रवादीकडे वळविण्याचा संकल्प या वेळी केला.
सुरुवातीला पुलवामा दहशतवादी हल्ल्यात शहीद झालेल्या जवानांना श्रद्धांजली वाहण्यात आली; तसेच छत्रपती शिवाजी महाराजांना जयंतीनिमित्त अभिवादन करण्यात आले. या मेळाव्यात पक्षाचे कोषाध्यक्ष आमदार हेमंत टकले, प्रदेश सरचिटणीस शिवाजीराव गर्जे, भाषिक अल्पसंख्यांक विभागाचे अध्यक्ष मुकेश गांधी यांनी मार्गदर्शन केले. या प्रसंगी शहिद जवानांच्या कुटुंबियांना काही मदत जमा करण्यात आली.
या मेळाव्याला राष्ट्रवादी काँग्रेसचे कोषाध्यक्ष आमदार हेमंत टकले, प्रदेश सरचिटणीस शिवाजीराव गर्जे, भाषिक अल्पसंख्यांक विभागाचे अध्यक्ष मुकेश गांधी, प्रदेश चिटणीस संजय बोरगे, साउथ इंडियन सेलचे अध्यक्ष सुंदर नायडू, गुजराती सेलच्या अध्यक्षा दीपाली दलाल, मुंबई गुजराती सेल अध्यक्ष मुकेश सोनी उपस्थित होते.
